Neh 9 | Ndebele | STEP | Ngosuku lwamatshumi amabili lane lwaleyonyanga abantwana bakoIsrayeli basebebuthana ngokuzila ukudla , langamasaka , lenhlabathi phezu kwabo .

1 Ngosuku lwamatshumi amabili lane lwaleyonyanga ^a abantwana bakoIsrayeli basebebuthana ngokuzila ukudla ^b, langamasaka ^c, lenhlabathi phezu kwabo ^d. 2 Inzalo yakoIsrayeli yasizehlukanisa labo bonke abezizweni; basebesima bavuma izono zabo lobubi baboyise ^e. 3 Basebesukuma endaweni yabo yokuma ^f, bafunda egwalweni lomlayo weNkosi uNkulunkulu wabo ingxenye yesine yosuku; njalo ngengxenye yesine bavuma futhi bakhonza iNkosi uNkulunkulu wabo ^g.

4 Lezikhwelweni zamaLevi kwakumi oJeshuwa ^h, loBani ⁱ, uKadimiyeli ^j, uShebaniya ^k, uBuni ^l, uSherebiya ^m, uBani ⁿ, uKenani; bamemeza ngelizwi elikhulu eNkosini uNkulunkulu wabo. 5 AmaLevi, oJeshuwa ^o, loKadimiyeli ^p, uBani ^q, uHashabineya ^r, uSherebiya ^s, uHodiya ^t, uShebaniya ^u, uPethahiya ^v basebesithi: Sukumani libusise iNkosi uNkulunkulu wenu kusukela ephakadeni kuze kube nininini; kalibusiswe ibizo lakho elilodumo eliphakanyiswe phezu kwaso sonke isibusiso lendumiso ^w. 6 Nguwe oyiNkosi wena wedwa ^x, wena wenza amazulu ^y, izulu lamazulu ^z lalo lonke ibutho lawo, umhlaba lakho konke okukuwo, izinlwandle lakho konke okukuzo ^aa, wena uyagcina konke kuphila; lebutho lamazulu liyakukhonza ^ab. 7 Wena uyiNkosi uNkulunkulu, owakhetha uAbrama wamkhupha eUri yamaKhaladiya ^ac, wenza ibizo lakhe laba nguAbrahama ^ad; 8 wafica inhliziyo yakhe ithembekile phambi kwakho ^ae, wenza laye isivumelwano ^af sokunika ilizwe lamaKhanani, amaHethi, amaAmori, lamaPerizi, lamaJebusi, lamaGirigashi, ukulinika inzalo yakhe ^ag; uwamisile amazwi akho, ngoba ulungile ^ah. 9 Wabona ukuhlupheka kwabobaba eGibhithe ^ai, wezwa ukukhala kwabo ngasoLwandle oluBomvu ^aj, 10 wenza izibonakaliso lezimangaliso kuFaro lakuzo zonke inceku zakhe lakubo bonke abantu belizwe lakhe ^ak, ngoba wazi ukuthi baziphatha ngokuzigqaja kubo ^al; njalo wazenzela ibizo njengalamuhla ^am. 11 Wehlukanisa ulwandle phambi kwabo ukuze bachaphe phakathi kolwandle emhlabathini owomileyo ^an; wasuphosela ababaxotshayo ezinzikini njengelitshe emanzini alamandla ^ao. 12 Wasubakhokhela ngensika yeyezi emini langensika yomlilo ebusuku ukubakhanyisela indlela abazahamba ngayo ^ap. 13 Wehlela phezu kwentaba yeSinayi, wakhuluma labo usemazulwini ^aq, wabanika izahlulelo eziqondileyo, lemilayo eqotho, izimiso lemilayezelo elungileyo ^ar, 14 wabazisa isabatha lakho elingcwele, wabalaya imilayo, lezimiso, lomthetho, ngesandla sikaMozisi inceku yakho ^as. 15 Wabanika isinkwa esivela emazulwini ekulambeni kwabo ^at, lamanzi edwaleni wabakhuphela wona ekomeni kwabo ^au; wabatshela ukuthi bazangena badle ilifa lelizwe owaphakamisa isandla sakho ukubanika lona ^av. 16 Kodwa bona labobaba baziphatha ngokuzigqaja ^aw, benza lukhuni intamo yabo, kabayilalelanga imilayo yakho ^ax. 17 Yebo, bala ukulalela, kabakhumbulanga izimangaliso zakho owazenza kubo ^ay; kodwa bazenza lukhuni intamo yabo ^az, lekuvukeleni kwabo bamisa induna ukuze babuyele ebugqilini babo ^ba. Kodwa wena unguNkulunkulu wezintethelelo, olomusa, lesihawu ^bb, ophuza ukuthukuthela ^bc, lowande ngothando, kawubatshiyanga ^bd. 18 Lalapho sebezenzele ithole elibunjwe ngokuncibilikisa bathi: Lo nguNkulunkulu wakho, owakwenyusa eGibhithe ^be, benza ukuhlambaza okukhulu ^bf, 19 kodwa wena ngezihawu zakho ezinengi kawubatshiyanga enkangala ^bg; insika yeyezi kayisukanga kubo emini, ukubakhokhela endleleni, lensika yomlilo ebusuku, ukubakhanyisela lendlela abazahamba ngayo ^bh. 20 Wabanika umoya wakho omuhle ukubafundisa ^bi, lemana yakho kawuyigodlanga emlonyeni wabo ^bj, wabanika amanzi ekomeni kwabo ^bk. 21 Yebo, iminyaka engamatshumi amane wabondla enkangala, kabaswelanga lutho ^bl; izigqoko zabo kaziguganga, lenyawo zabo kazivuvukanga ^bm. 22 Wasebanika imibuso lezizwe, wababela kwaze kwaba semagumbini ^bn; njalo badla ilifa lelizwe likaSihoni ^bo lelizwe lenkosi yeHeshiboni ^bp lelizwe likaOgi inkosi yeBashani ^bq. 23 Wandisa abantwana babo njengenkanyezi zamazulu, wabangenisa elizweni owawutshele oyise ukuthi bazangena badle ilifa lalo ^br. 24 Sebengenile abantwana babo badla ilifa lelizwe ^bs; wehlisela phansi phambi kwabo abahlali belizwe, amaKhanani, wabanikela esandleni sabo, lamakhosi abo, labantu belizwe, ukuze benze ngabo ngokwentando yabo ^bt. 25 Basebethumba imizi ebiyelweyo, lelizwe elivundileyo ^bu, badla ilifa lezindlu ezigcwele konke okuhle, imithombo egejiweyo, izivini, lezivande zemihlwathi, lezihlahla zezithelo ngobunengi ^bv. Badla-ke basutha, bazimuka ^bw, bazithokozisa ngokuhle kwakho okukhulu ^bx. 26 Kube kanti kabalalelanga, bakuvukela wena ^by, bawuphosela umlayo wakho emva komhlana wabo ^bz, babulala abaprofethi bakho abafakaza bemelene labo ukubaphendulela kuwe ^ca, benza ukuhlambaza okukhulu ^cb. 27 Ngakho wabanikela esandleni sezitha zabo ezabahluphayo ^cc; kwathi ngesikhathi sokuhlupheka kwabo bakhala kuwe, wena-ke wezwa usemazulwini; langokwezisa zakho ezinengi ^cd wabanika abasindisi ababasindisa esandleni sezitha zabo ^ce. 28 Kodwa sebephumulile benza okubi futhi phambi kwakho; ngakho wabatshiya esandleni sezitha zabo zaze zababusa; sebebuyile bakhala kuwe, wena wezwa usemazulwini ^cf; wabakhulula ngokwezisa zakho izikhathi ezinengi ^cg. 29 Wafakaza umelene labo ukuze ubenze babuyele emlayweni wakho; kube kanti bona baziphatha ngokuzigqaja, kabayilalelanga imilayo yakho ^ch, kodwa bemelene lezahlulelo zakho bona bemelene lazo (okuthi umuntu ezenza uzaphila ngazo ^ci), banika ihlombe lobuqholo, benza lukhuni intamo yabo, kabaze balalela ^cj. 30 Wababekezelela ^{▼▼ wababekezelela: Heb wadonsa ngabo.} iminyaka eminengi, wafakaza umelene labo ngomoya wakho ^cl ngesandla sabaprofethi bakho, kodwa kababekanga indlebe ^cm. Ngakho wabanikela esandleni sabantu bezizwe ^cn. 31 Kanti ngezisa zakho ezinengi ^co kawubaqedanga, kawubatshiyanga ^cp; ngoba unguNkulunkulu olomusa ^cq lesihawu ^cr. 32 Ngakho khathesi, Nkulunkulu wethu, uNkulunkulu omkhulu, olamandla lowesabekayo ^cs, ogcina isivumelwano lomusa ^ct, kakungabi kuncinyane phambi kwakho ukuhlupheka konke, okusificileyo, amakhosi ethu, iziphathamandla zethu, labapristi bethu, labaprofethi bethu, labobaba, labo bonke abantu bakho, kusukela ensukwini zamakhosi eAsiriya kuze kube lamuhla ^cu. 33 Kodwa ubulungile mayelana lakho konke okusehleleyo, ngoba wenzile ngokuqonda ^cv, kodwa thina senze ngobubi ^cw. 34 Lamakhosi ethu, iziphathamandla zethu, abapristi bethu, labobaba bethu kabawenzanga umlayo wakho, kabalalelanga imithetho yakho lezifakazelo zakho owazifakaza umelene labo. 35 Ngoba bona kabakukhonzanga embusweni wabo ^cx lekulungeni kwakho okunengi owabanika khona ^cy lemazweni abanzi lavundileyo owawabeka phambi kwabo; njalo kabaphendukanga ezenzweni zabo ezimbi ^cz. 36 Khangela, siyizigqili lamuhla, yebo, ilizwe owalinika obaba ukuthi badle isithelo salo lokuhle kwalo, khangela, siyizigqili kulo ^da. 37 Njalo isivuno salo lisandisela amakhosi owabeke phezu kwethu ngenxa yezono zethu; njalo abusa phezu kwemizimba yethu laphezu kwezifuyo zethu ngokwentando yawo; sesisesizini olukhulu ^db. 38 Langenxa yakho konke lokhu senza isivumelwano esiqinileyo, sisibhala; iziphathamandla zethu, amaLevi ethu, abapristi bethu, basebefaka uphawu phezu kwaso ^dc.